జంధ్యాల పాపయ్య శాస్త్రి ప్రతి కవితా కరుణ రస ప్రధానమే

జంధ్యాల పాపయ్య శాస్త్రి ప్రతి కవితా కరుణ రస ప్రధానమే నని కరుణశ్రీ గా అయన సార్థక నామధేయుడు అని విశ్రాంత న్యాయమూర్తి జస్టిస్ కాశీ విశ్వేశ్వరరావు అన్నారు. గురువారం చిక్కడపల్లి త్యాగరాయ గానసభ లోని కళా సుబ్బారావు కళావేదిక పై ఎందరో మహానుభావులు కార్యక్రమ పరంపర లో భాగంగా జంద్యాల పాపయ్య శాస్త్రి యాది లో సమావేశం గానసభ నిర్వహణలో అధ్యక్షుడు కళా విఎస్ జనార్ధన మూర్తి అధ్యక్షతన జరిగింది. ముఖ్య అతిథిగా జస్టిస్ విశ్వేశ్వరరావు పాల్గొని మాట్లాడుతూ పాపయ్య శాస్త్రి రచించిన పుష్ప విలాపం మధుర గాయకుడు ఘంటసాల గానంతో జగద్విఖ్యాతి పొందిందన్నారు. అయన రాసిన పలు కావ్యాలు కుంతీ కుమారి, అరుణశ్రీ, తెలుగు సాహితీ సంపద అని వివ రించారు. వేదిక పై సాహితీ కిరణం సంపాదకులు పొత్తూరి సుబ్బారావు, తెలంగాణ రాష్ట్ర వికలాంగుల సంక్షేమ సంఘం అధ్యక్షుడు కొల్లి నాగేశ్వరరావు, గానసభ పాలకమండలి సభ్యుడు బండి శ్రీనివాస్ పాల్గొన్నారు...