దివంగత నేత పెద్ది సుదర్శన్ రెడ్డి కుటుంబానికి రూ. 2.25 కోట్ల ఆర్థిక సాయం ప్రకటించిన కేసీఆర్

దివంగత నేత పెద్ది సుదర్శన్ రెడ్డి కుటుంబానికి బీఆర్ఎస్ అధినేత కేసీఆర్ ఆర్థిక సాయం ప్రకటించారు. పార్టీ తరఫున మొత్తం రూ. 2 కోట్ల 25 లక్షల సాయం అందించాలని నిర్ణయించారు. పెద్ది సుదర్శన్ రెడ్డి ఇద్దరు పిల్లలకు చెరో కోటి రూపాయలు, వృద్ధాప్యంలో ఉన్న వారి తల్లి అమృతమ్మ బాగోగుల కోసం మరో రూ. 25 లక్షలు అందజేయనున్నారు. పార్టీ సీనియర్లు, వరంగల్ జిల్లా ముఖ్య నేతలతో చర్చించిన తర్వాత కేసీఆర్ ఈ నిర్ణయం తీసుకున్నారు. పిల్లల భవిష్యత్తు, చదువు తదితర విషయాలపై పార్టీ నిరంతరం పర్యవేక్షిస్తుందని భరోసా ఇచ్చారు. పెద్ది సుదర్శన్ రెడ్డి దశదినకర్మల కార్యక్రమాలు ముగిసిన తర్వాత జిల్లా ముఖ్యులు సమావేశమై కుటుంబ సంక్షేమానికి సంబంధించి తదుపరి నిర్ణయాలు తీసుకుంటారని వెల్లడించారు.