శ్రీ వాసవి లలితకళా సమితి ట్రస్ట్ 30వ వార్షికోత్సవ వేడుకలు ఘనంగా నిర్వహణ

హైదరాబాద్, ట్రైనెట్ ఆగస్టు 12: కళా, సంస్కృతి, సంగీత ప్రోత్సాహమే ధ్యేయంగా సేవలందిస్తున్న శ్రీ వాసవి లలితకళా సమితి ట్రస్ట్ 30వ వార్షికోత్సవ వేడుకలను చిక్కడపల్లిలోని శ్రీ త్యాగరాయ గానసభలో ఘనంగా నిర్వహించారు. ఈ వేడుకల సందర్భంగా "నవరాగాలు - సీజన్ 50" పేరుతో ప్రత్యేక సంగీత విభావరిని ఏర్పాటు చేశారు. ట్రస్ట్ నిర్వాహకులు ముక్కంటి ఈశ్వర రావు ఆధ్వర్యంలో గాయనీగాయకులు ఆలపించిన సినీ గీతాలు ప్రేక్షకులను ఎంతగానో అలరించాయి. ఈ కార్యక్రమానికి తెలంగాణ పోలీస్ హౌసింగ్ కార్పొరేషన్ మాజీ చైర్మన్ కొలేటి దామోదర్ గుప్తా, టీపీసీసీ జనరల్ సెక్రెటరీ ఉప్పల శ్రీనివాస్ గుప్తా, సుధాకర్ గందే ముఖ్య అతిథులుగా విచ్చేసి పాల్గొని, ప్రతిభ కనబరిచిన గాయనీగాయకులను అభినందించారు.