సాహిల్ ఫుడ్స్ యూనిట్స్ “టీజీ సేఫ్” దాడులు
హైదరాబాద్, ట్రైనెట్ న్యూస్, అక్టోబర్ 20: నగరంలో సాహిల్ ఫుడ్స్ యూనిట్లపై టీజీ సేఫ్ అధికారులు దాడులు చేశారు. కాటేదాన్ సమీపంలోని ప్రేమావతిపేటలో సాహిల్ ఫుడ్స్క చెందిన 5 తయారీ యూనిట్లలో తనిఖీలు చేపట్టారు. ఆహార భద్రతా నిబంధనల ఉల్లంఘనలపై 4 యూనిట్ల ఎఫ్ఎస్ఎస్ఏఐ లైసెన్స్లు, రిజిస్ట్రేషన్లను అధికారులు సస్పెండ్ చేశారు. ఆయా యూనిట్లలో కార్యకలాపాలు ఆపేయాలని అధికారులను ఆదేశించారు. స్నాక్స్ తయారీ కేంద్రాల్లో పేరుకుపోయిన ఆహార వ్యర్థాలు, యంత్రాల నిర్వహణలో నిర్లక్ష్యం, సరైన వెంటిలేషన్ లేకపోవడాన్ని గుర్తించారు. ఆహార పదార్థాల్లో కల్తీ అనుమానంతో 11 నమూనాలను అధికారులు సేకరించారు. నిబంధనలకు విరుద్ధమైన లేబులింగ్తో ఉన్న 55 టన్నుల ఆహార పదార్థాలను సీజ్ చేశారు. సీజ్ చేసిన ఆహార పదార్థాల విలువ రూ.33.94 లక్షలు ఉంటుందని అంచనా. ఆహార పదార్థాలను నేల పైనే నిల్వ చేసినట్లు, వివిధ పదార్థాల తయారీ సమయంలో అక్కడి సిబ్బంది గుట్కా, పాన్ మసాలా నములుతున్నట్లు గుర్తించారు.
