వర్షాకాల ముంపు ప్రమాపాలపై ఎన్‌డీఎంఏ అప్రమత్తత

వరుస వర్షాల నేపథ్యంలో దేశవ్యాప్తంగా వరద ముప్పు ఎక్కువగా ఉన్న జిల్లాల్లో జాతీయ విపత్తు నిర్వహణా ప్రాధికార సంస్థ (ఎన్‌డీఎంఏ) అప్రమత్తమైంది. రాష్ట్ర ప్రభుత్వాలతో సమన్వయం చేసుకుంటూ ముందస్తు రక్షణ చర్యలను ముమ్మరం చేసింది.

తెలుగు రాష్ట్రాల్లోని లోతట్టు ప్రాంతాలు, వాగులు, వంకల పరిసరాల్లో అధికారులను హైఅలర్ట్ చేశారు. అత్యవసర సహాయక బృందాలను ఇప్పటికే క్షేత్రస్థాయికి పంపినట్లు సమాచారం. ఎడతెరిపి లేకుండా కురిసే వర్షాల వల్ల కలిగే నష్టాన్ని తగ్గించడమే లక్ష్యంగా ఈ ఏర్పాట్లు జరుగుతున్నాయి.

ప్రజలు అప్రమత్తంగా ఉండాలని, నదులు లేదా వాగులు ఉప్పొంగి ప్రవహిస్తున్నప్పుడు దాటే ప్రయత్నం చేయవద్దని అధికారులు సూచిస్తున్నారు. ఎటువంటి అత్యవసర పరిస్థితి తలెత్తినా వెంటనే స్పందించేలా జిల్లాల వారీగా ప్రత్యేక కంట్రోల్ రూమ్‌లను ఏర్పాటు చేశారు.