40 వేలకు చేరిన అక్రమ నిర్మాణాలు
హైదరాబాద్, ట్రైనెట్ న్యూస్, సెప్టెంబర్ 24:
కోర్ అర్బన్ రీజియన్ పరిధిలో అక్రమ నిర్మాణాలు, ఆక్రమణలపై జీహెచ్ఎంసీ అధికారుల వ్యవహార శైలి తీవ్ర విమర్శలకు దారితీస్తున్నది. కొద్దిరోజుల క్రితం గచ్చిబౌలి అంజయ్యనగర్లో ఏడు అంతస్తుల భవనం కుప్పకూలి ఇద్దరు మృతి చెందిన ఘటనతో సైబరాబాద్ మున్సిపల్ కార్పొరేషన్, మల్కాజిగిరి మున్సిపల్ కార్పొరేషన్ అధికారులు తక్షణమే స్పందించి అక్రమ నిర్మాణాలపై ఉక్కుపాదం మోపు తున్నారు. అనుమతులు ఉల్లంఘించిన భవనాలకు 24 గంటల నోటీసులు ఇచ్చి మరీ కూల్చివేతలు చేప డుతున్నారు. అయితే, అతిపెద్ద కార్పొరేషన్ అయిన జీహెచ్ఎంసీ మాత్రం తగినంత యంత్రాంగం, సిబ్బంది ఉన్నప్పటికీ ఎలాంటి ఎన్ఫోర్స్మెంట్ చర్యలు చేపట్టకపోవడంపై నగరవాసుల నుంచి తీవ్ర ఆగ్రహం వ్యక్తమవుతున్నది.
జీహెచ్ఎంసీ ప్రధాన కార్యాలయంలో ప్రతి సోమవారం నిర్వహించే 'ప్రజావాణి'కి వస్తున్న వినతుల్లో సగానికి పైగా అక్రమ నిర్మాణాలపైనే ఉంటున్నాయి. ప్రధాన కార్యాలయానికి కూతవేటు దూరంలో అక్రమ నిర్మాణాలు జరుగుతున్నా అధికారులు పట్టించుకోవడం లేదు. దీనిపై అధికారులు స్పందిస్తూ 'స్పెషల్ ఇంటెన్సివ్ రివిజన్' (సర్) వంటి ఎన్నికల విధుల్లో బిజీగా ఉన్నామని సాకులు చెబు తున్నారు. అయితే, తక్కువ మంది సిబ్బంది ఉన్న సీఎంసీ, ఎంఎంసీ అధికారులు ఎన్ని కల విధులు నిర్వహిస్తూనే ప్రతి శనివారం ఫుట్పాత్ ఆక్రమణలు, రోడ్లు, నాలాల కబ్జా లను క్రమం తప్పకుండా తొలగిస్తుండటం గమనార్హం. గతంలో ప్రమాదాలు జరిగిన సందర్భంలో కోర్టుకు సమర్పించిన వివరాల ప్రకారం జీహెచ్ఎంసీ పరిధిలో 30 వేల అక్రమ నిర్మాణాలు ఉన్నట్లు తెలపగా, ప్రస్తుతం ఆ సంఖ్య దాదాపు 40 వేలకు చేరినట్లు సమాచారం. ప్రతీ వారం ఫుట్పాత్ ఆక్ర మణల తొలగింపు చేపట్టాలని స్పష్టమైన ఆదేశాలున్నప్పటికీ, జీహెచ్ఎంసీలో కొద్ది నెలలుగా ఆ ప్రక్రియ పూర్తిగా నిలిచిపో యింది. తోటి కార్పొరేషన్లు కఠిన చర్యలతో ముందడుగు వేస్తుంటే, ఫిర్యాదులు కుప్పలు గా వస్తున్నా జీహెచ్ఎంసీ అధికారులు క్షేత్రస్థాయి పరిశీలన కూడా చేయకపోవడం పలు అనుమానాలకు తావిస్తుంది.
