చిన్నారులకు ఆటపోటీలు.. విజేతలకు బహుమతుల ప్రదానం
హైదరాబాద్, ట్రైనెట్ న్యూస్, సెప్టెంబర్ 18: న్యూ బోయిగూడలోని విండ్సర్ అవెన్యూ అపార్ట్మెంట్ వాసులు వినాయక నవరాత్రి ఉత్సవాలను భక్తిశ్రద్ధలతో, ఉత్సాహంగా నిర్వహిస్తున్నారు. ఉత్సవాల్లో భాగంగా ప్రతిరోజూ ప్రత్యేక పూజలు, సాంస్కృతిక కార్యక్రమాలు నిర్వహిస్తూ అపార్ట్మెంట్ వాసులు వేడుకల్లో పాల్గొంటున్నారు.
ఈ సందర్భంగా చిన్నారుల కోసం వివిధ రకాల ఆటపోటీలను నిర్వహించారు. చిన్నారులు ఉత్సాహంగా పాల్గొని తమ ప్రతిభను చాటుకున్నారు. పోటీల్లో విజేతలుగా నిలిచిన చిన్నారులకు నిర్వాహకులు బహుమతులను అందజేసి అభినందించారు.
వినాయక నవరాత్రి ఉత్సవాలు అపార్ట్మెంట్ వాసుల మధ్య ఐక్యతను, స్నేహభావాన్ని మరింత పెంపొందిస్తున్నాయని నిర్వాహకులు తెలిపారు. కార్యక్రమంలో అపార్ట్మెంట్ వాసులు, మహిళలు, చిన్నారులు పెద్ద సంఖ్యలో పాల్గొన్నారు.
