Understanding True Character: Power and Opportunity Reveal Who We Are

గుణం

ఒకరి గుణగణాలు

పరీక్షించి చూడాలంటే

మాటలతో కాదు

ఒక అవకాశం ఇచ్చి చూడాలి

నమ్మకం ఉంటే అధికారం

అప్పగించి చూడాలి

అప్పుడు అతని మనసులోని

నిజమైన స్వభావం తెలుస్తుంది

చేతిలో అధికారం వచ్చాక

ఎలా ప్రవర్తిస్తున్నాడో చూడాలి

తనకంటే చిన్నవారిని

ఎలా గౌరవిస్తున్నాడో గమనించాలి

అవకాశం లేనప్పుడు మంచివాడిలా

ఉండడం పెద్ద విషయం కాదు

అవకాశం వచ్చినప్పుడు కూడా

మంచితనాన్ని కాపాడుకోవడమే గొప్పతనం

అధికారం మనిషిని మార్చదు

అతనిలో దాగి ఉన్న గుణాన్ని

బయటకు తీసుకువస్తుంది

డబ్బు కూడా అదే నిజాన్ని చెబుతుంది

ఎదుటివాడి బలహీనత తెలిసినా

దాన్ని ఉపయోగించుకోకుండా ఉంటే

అతని మనసు మంచిదని అర్థం

అదే అసలైన వ్యక్తిత్వానికి నిదర్శనం

అవకాశం ఇచ్చినప్పుడు

అతను ఎదుగుతాడా

లేక ఎదుటివారిని తొక్కి

తాను ఎదగాలని చూస్తాడా

అదే అతని అసలు గుణం

అదే అతని నిజమైన విలువ

పదవి కాదు మనిషిని గొప్పవాడిని చేసేది

ఆ పదవిలో ఉన్నప్పుడు అతని ప్రవర్తనే గొప్పతనం.

రచన : గుదే సుబ్బారావు

ఉపాధ్యాయుడు, మాధవరం, పశ్చిమ గోదావరిజిల్లా.