గొప్ప విషయం
మనం ఎంత ఎత్తుకు ఎదిగినా
మనుషుల్ని చిన్నచూపు చూడకూడదు
ఎదిగిన కొద్దీ ఒదిగి ఉండాలి
ఎదుటివారిని గౌరవించడం నేర్చుకోవాలి
డబ్బు వచ్చిందని పొంగిపోకూడదు
అధికారం వచ్చిందని విర్రవీగకూడదు
పదవి వచ్చిందని గర్వపడకూడదు
మనిషితనం మాత్రం ఎప్పుడూ విడిచిపెట్టకూడదు
ఎందుకంటే ఎత్తు పెరిగే కొద్దీ
మన నీడ కూడా పెద్దదవుతుంది
ఆ నీడలో నలుగురికి చోటివ్వాలి
అదే నిజమైన గొప్పతనం
ఎదగడం గొప్ప విషయమే
కానీ ఎదిగిన తర్వాత
ఒదిగి ఉండడం ఇంకా గొప్ప విషయం
మనకంటే తక్కువలో ఉన్నవారిని
చిన్నచూపు చూడకపోవడమే సంస్కారం
మనకన్నా వెనుక ఉన్నవారిని
చేయి అందించి ముందుకు నడిపించడమే మానవత్వం
నిన్న మనతో నడిచిన మనుషులను
నేడు మనం మరిచిపోకూడదు
మన ఎదుగుదలకు కారణమైన వారిని
ఎప్పటికీ గుండెల్లో దాచుకోవాలి
ఎంత సంపద ఉన్నా
మంచి మనసు లేకపోతే అది వ్యర్థమే
ఎంత పేరు ఉన్నా
గౌరవించడం తెలియకపోతే అది శూన్యమే
మనిషి ఎదుగుదల కొలిచేది
అతని ఎత్తు కాదు… అతని వ్యక్తిత్వమే
ఎదిగిన తర్వాత కూడా మనిషిగానే ఉంటే
అదే జీవితంలో నిజమైన గొప్ప విషయం!
రచన : కె.మురళీమోహన్ రాజు, నెల్లూరు.
చరవాణి : 9866179385
