ప్రవర్తన
ఇతరులను కించపరచి
ఎవరూ శాశ్వతంగా
ఎప్పుడూ గొప్పవారు కాలేరు
గౌరవం అడిగి తెలుసుకునేది కాదు
మన ప్రవర్తనతో సంపాదించేది
ఎత్తుకు ఎదిగినంత మాత్రాన
ఎదుటివారిని తక్కువ చేయకు
డబ్బు వచ్చిందని పొగరుపడకు
పదవి వచ్చిందని విర్రవీగకు
కాలం అందరికీ ఒకేలా ఉండదు
ఈరోజు నువ్వు పైస్థానంలో ఉంటే
రేపు పరిస్థితి మారవచ్చు
నీ మాటలే నీ విలువను చెబుతాయి
నీ చేతలే నీ వ్యక్తిత్వాన్ని చూపుతాయి
నీ నడవడికే నీ గౌరవానికి అద్దం
మంచిగా మాట్లాడటం చిన్నదనం కాదు
తగ్గి ఉండటం చేతకానితనం కాదు
ఎదుటివారిని గౌరవించడం
మన సంస్కారానికి గుర్తు
మనిషితనానికి నిదర్శనం
ఎవరినీ అవమానించకు
ఎవరినీ చిన్నచూపు చూడకు
నువ్వు పంచిన గౌరవమే
ఒకరోజు నీకు తిరిగి వస్తుంది
ప్రవర్తనే మనిషికి నిజమైన ఆస్తి
గొప్పతనం సంపదలో ఉండదు
మనసులోని మంచితనంలో ఉంటుంది
ప్రపంచం నిన్ను గుర్తుంచేది
నువ్వు ఎంత సంపాదించావో కాదు
ఎంతమందిని గౌరవించావో!
రచన : రేవెల్లి పద్మ
హనుమకొండ.
