GHMC పరిధిలో 10,000 ఎలక్ట్రిక్ స్వచ్ఛ ఆటోలు.. క్యూఆర్ కోడ్ విధానంతో పర్యవేక్షణ

గ్రేటర్ హైదరాబాద్ మున్సిపల్ కార్పొరేషన్ (GHMC)తో పాటు రాష్ట్రంలోని ఇతర మున్సిపల్ కార్పొరేషన్లు, మున్సిపాలిటీల్లో (CURE) పారిశుద్ధ్య సేవలను మరింత మెరుగుపరిచేందుకు ప్రభుత్వం ప్రణాళిక రూపొందించింది. ఇందులో భాగంగా మొత్తం 10,000 ఎలక్ట్రిక్ స్వచ్ఛ ఆటో టిప్పర్లను కొనుగోలు చేయాలని నిర్ణయించింది. ఈ ప్రాజెక్టును 2026 ఆగస్టు నాటికి పూర్తిగా అమలు చేయాలని లక్ష్యంగా పెట్టుకున్నారు.

పర్యావరణ హితమైన ఈ ఎలక్ట్రిక్ ఆటోల రాకతో ఇళ్ల నుంచి చెత్త సేకరణ ప్రక్రియ మరింత సులభం కానుంది. డీజిల్, పెట్రోల్ వాహనాల వినిష్టత తగ్గడంతో పాటు కార్బన్ ఉద్గారాలు గణనీయంగా తగ్గుతాయని అధికార వర్గాలు భావిస్తున్నాయి. పట్టణ ప్రాంతాల్లో చెత్త నిర్వహణను క్రమబద్ధీకరించడంలో ఈ వాహనాలు కీలక పాత్ర పోషించనున్నాయి.

ఈ సేవలను మరింత పారదర్శకంగా మార్చేందుకు ప్రభుత్వం ప్రత్యేక సాంకేతికతను జోడిస్తోంది. ప్రతి ఆటోకు, అలాగే ఇళ్ల వద్ద ప్రత్యేకంగా క్యూఆర్ (QR) కోడ్ ఆధారిత పర్యవేక్షణ విధానాన్ని ప్రవేశపెట్టనున్నారు. దీనివల్ల చెత్త సేకరణ తీరును అధికారులు ఎప్పటికప్పుడు ఆన్‌లైన్‌లో పర్యవేక్షించడానికి వీలవుతుంది.