చీకట్లను జయించే సంకల్పానికి ప్రతీక దీపావళి: ప్రధాని మోదీ

న్యూఢిల్లీ, ట్రైనెట్ న్యూస్‌, నవంబర్‌ 7:

దీపావళి సందర్భంగా ప్రధానమంత్రి నరేంద్ర మోదీ దేశ ప్రజలందరికీ హృదయపూర్వక శుభాకాంక్షలు తెలిపారు. దేశమంతటా వెలుగులు నింపే ఈ పండుగ చీకట్లను అధిగమించే సంకల్పానికి ప్రతీకగా నిలుస్తుందని పేర్కొన్నారు.

దీపావళి పర్వదినంతోపాటు రానున్న రోజులు ప్రతి ఒక్కరి జీవితంలో సుఖసంతోషాలు, శాంతి, సిరిసంపదలు తీసుకురావాలని ఆకాంక్షించారు. తాను దీపావళిని ఎంతో ఉత్సాహంగా జరుపుకుంటానని, గత సంవత్సరాల మాదిరిగానే ఈసారి కూడా దేశ వీర సైనికులతో కలిసి పండుగ జరుపుకునే సంప్రదాయాన్ని కొనసాగిస్తానని తెలిపారు.

ఈ సందర్భంగా దీపావళి శుభాకాంక్షల వీడియో సందేశాన్ని ప్రధాని సామాజిక మాధ్యమం ‘ఎక్స్‌’లో పంచుకున్నారు.