యాదాద్రి భువనగిరి, నవంబరు04/ట్రైనెట్ న్యూస్:
యాదాద్రి భువనగిరి జిల్లా ఆర్టిస్ట్ అసోసియేషన్ ఐదవ వార్షికోత్సవ వేడుకలను ఘనంగా నిర్వహించారు. ఈ సందర్భంగా అసోసియేషన్ నూతన కార్యవర్గాన్ని ఎన్నుకోవడంతో పాటు నూతనంగా ఎన్నికైన సభ్యులతో ప్రమాణ స్వీకారం చేయించారు. నూతన కార్యవర్గ అధ్యక్షులుగా దేవరకొండ పోతులూరాచారి, ఉపాధ్యక్షులుగా కందుల అంజయ్య, ప్రధాన కార్యదర్శిగా తరణి వీరాచారి, అధికార ప్రతినిధిగా కొల్లోజు సోమ నరసింహ చారి, కోశాధికారిగా జెల్లా జహంగీర్, ప్రచార కార్యదర్శిగా గుర్రం సంతోష్ కుమార్, సహాయ కార్యదర్శిగా బొడిగె లింగం గౌడ్ ఎన్నికయ్యారు. అదేవిధంగా అసోసియేషన్ సలహాదారులుగా రావులపల్లి బాలాచారి,పుర్మ శ్రీశైలం,ఆడెపు రఘురాములు, గుంటోజు శ్రీనివాసాచారి, తిప్పారపు మల్లేష్, తుడుం గణేష్‌లను ఎంపిక చేశారు.ఈ సందర్భంగా నూతన కార్యవర్గ సభ్యులకు పలువురు కళాకారులు అభినందనలు తెలిపారు. జిల్లా కళాకారుల ఐక్యత, అభ్యున్నతి, సంక్షేమం కోసం నూతన కార్యవర్గం కృషి చేయాలని ఆకాంక్షించారు. కళాకారుల హక్కుల పరిరక్షణతో పాటు జిల్లాలోని కళాకారుల్లో దాగి ఉన్న ప్రతిభను వెలికితీసి, వారికి తగిన గుర్తింపు తీసుకురావాలని సూచించారు. కళాకారుల సమస్యల పరిష్కారానికి, వారి సంక్షేమానికి అసోసియేషన్ ఎల్లప్పుడూ అండగా నిలవాలని పలువురు ఆశాభావం వ్యక్తం చేశారు.
