హైదరాబాద్, ట్రైనెట్ న్యూస్‌, నవంబర్ 03:
నిత్యావసర వస్తువుల ధరల పెరుగుదలతో ప్రజలపై పడుతున్న ఆర్థిక భారాన్ని తగ్గించేందుకు తెలంగాణ ప్రభుత్వం సన్నాహాలు చేస్తున్నట్లు సమాచారం. రేషన్‌ దుకాణాల ద్వారా బియ్యంతో పాటు ఇతర నిత్యావసర సరుకులను సబ్సిడీ ధరలకు అందించే దిశగా పౌరసరఫరాల శాఖ కార్యాచరణ రూపొందిస్తున్నట్లు తెలుస్తోంది.
కందిపప్పు, గోధుమపిండి, పంచదార, పామాయిల్‌, చింతపండు, కారంపొడి వంటి వస్తువులను పంపిణీ చేసే అంశాన్ని పరిశీలిస్తున్నట్లు సమాచారం. ఈ ప్రతిపాదన అమల్లోకి వస్తే అర్హులైన రేషన్‌ కార్డుదారులకు నెలవారీ సరుకుల ఖర్చులో కొంత ఉపశమనం లభించే అవకాశం ఉంది. అయితే సరుకుల ధరలు, పరిమాణం, అర్హతలు, పంపిణీ ప్రారంభ తేదీపై అధికారిక ప్రకటన వెలువడాల్సి ఉంది.
