న్యూఢిల్లీ, ట్రైనెట్ న్యూస్, అక్టోబర్ 16:
జాతీయ భద్రతా దళం (ఎన్‌ఎస్‌జీ) ఆవిర్భావ దినోత్సవాన్ని పురస్కరించుకుని ప్రధానమంత్రి నరేంద్ర మోదీ ఆ దళ సిబ్బందికి శుభాకాంక్షలు తెలిపారు. ధైర్యసాహసాలు, కార్యాచరణలో కచ్చితత్వం, విధి నిర్వహణలో అచంచల నిబద్ధతకు ఎన్‌ఎస్‌జీ సిబ్బంది ప్రతిరూపంగా నిలుస్తున్నారని కొనియాడారు.
ఉగ్రవాదాన్ని ఎదుర్కొనేందుకు వారు నిరంతరం అప్రమత్తంగా ఉండటం, ప్రజలతోపాటు దేశంలోని కీలక ఆస్తులను రక్షించేందుకు సర్వసన్నద్ధంగా వ్యవహరించడం అపారమైన విశ్వాసాన్ని, గర్వాన్ని కలిగిస్తోందని ప్రధాని పేర్కొన్నారు.
