హైదరాబాద్, ట్రైనెట్ న్యూస్, అక్టోబర్ 8:
లింగంపల్లి రైల్వే స్టేషన్‌లో రైల్వే ప్రొటెక్షన్ ఫోర్స్ అధికారులు నిర్వహించిన తనిఖీల్లో భారీగా గంజాయి పట్టుబడింది. సికింద్రాబాద్‌ నుంచి లింగంపల్లి వైపు వస్తున్న రైలు నంబర్‌ 11020లో అధికారులు తనిఖీలు చేపట్టారు.తనిఖీల సమయంలో సుమారు 10 కిలోల గంజాయి గుర్తించి స్వాధీనం చేసుకున్నట్లు తెలిపారు. గంజాయిని అక్రమంగా రవాణా చేస్తున్నట్లు అనుమానిస్తున్న *అబ్దుల్ జబ్బార్ అన్సారీ (35)ను అదుపులోకి తీసుకున్నారు.
రైలులో గంజాయి ఎక్కడి నుంచి తీసుకువచ్చారు, ఎక్కడికి తరలిస్తున్నారు, ఈ అక్రమ రవాణా వెనుక మరెవరైనా ఉన్నారా అనే కోణాల్లో పోలీసులు దర్యాప్తు చేస్తున్నారు. గంజాయిని స్వాధీనం చేసుకొనితదుపరి నిందితుడిపై ఎన్‌డీపీఎస్ చట్టం కింద కేసు నమోదు చేశారు.
