న్యూఢిల్లీ, సెప్టెంబర్ 17, 2026:
రక్షణ మంత్రిత్వ శాఖ పరిధిలోని మిలిటరీ ఇంజినీర్ సర్వీసెస్ (MES)కు చెందిన ఇండియన్ డిఫెన్స్ సర్వీస్ ఆఫ్ ఇంజినీర్స్ (IDSE) అధికారులు తమ 77వ ఆవిర్భావ దినోత్సవాన్ని సెప్టెంబర్ 17, 2026న న్యూఢిల్లీలో ఘనంగా నిర్వహించారు. ఈ సందర్భంగా రోజంతా ప్రత్యేక సదస్సును ఏర్పాటు చేశారు.
‘వికసిత్ భారత్ @ 2047 లక్ష్య సాధన దిశగా నైతికత, జవాబుదారీతనం, అత్యుత్తమత’ అనే అంశంతో నిర్వహించిన ఈ సదస్సులో రైల్వే మంత్రిత్వ శాఖ, కేంద్ర విజిలెన్స్ కమిషన్, డిఫెన్స్ అకౌంట్స్ విభాగం, నేషనల్ హైవేస్ అథారిటీ, వివిధ ప్రభుత్వ రంగ సంస్థలకు చెందిన ప్రముఖులు పాల్గొన్నారు.
సదస్సును ఉద్దేశించి ఎంఈఎస్ ఇంజినీర్-ఇన్-చీఫ్ లెఫ్టినెంట్ జనరల్ వికాస్ రోహెల్లా మాట్లాడుతూ, మిలిటరీ ఇంజినీర్ సర్వీసెస్లో నైతికత, జవాబుదారీతనాన్ని మరింత బలోపేతం చేసేందుకు తీసుకుంటున్న చర్యలను వివరించారు. ఇందులో భాగంగా ఎలక్ట్రానిక్ మెజర్మెంట్ బుక్ విధానాన్ని ప్రవేశపెట్టినట్లు తెలిపారు.
ప్రభుత్వ కొనుగోలు ప్రక్రియలోని ప్రతి దశతో పాటు అధికారుల విచక్షణాధికార వినియోగం కూడా తప్పనిసరిగా నైతిక సూత్రాలకు అనుగుణంగా ఉండాలని ఆయన పేర్కొన్నారు.
ఈ కార్యక్రమంలో కోర్ ఆఫ్ ఇంజినీర్స్కు చెందిన సీనియర్ అధికారులు, సర్వేయర్లు, ఆర్కిటెక్టులు, బ్యారక్ అండ్ స్టోర్స్, అడ్మినిస్ట్రేషన్ తదితర కేడర్ సంఘాల ప్రతినిధులతో పాటు మిలిటరీ ఇంజినీర్ సర్వీసెస్కు చెందిన అధికారులు, సిబ్బంది పెద్ద సంఖ్యలో పాల్గొన్నారు.
