హైదరాబాద్,ఓయూ,ట్రై నెట్ న్యూస్, సెప్టెంబర్05
హమారా ప్రసాద్ రచించిన ‘కల్పిత నాయకుడు’ పుస్తకంలోని అంశాలపై దక్షిణ జనతా పార్టీ జాతీయ కోఆర్డినేటర్ ప్రొఫెసర్ డాక్టర్ గాలి వినోద్కుమార్ తీవ్ర అభ్యంతరం వ్యక్తం చేశారు. డాక్టర్ బీఆర్ అంబేద్కర్ వ్యక్తిత్వాన్ని, సామాజిక సేవలను కించపరిచే విధంగా పుస్తకంలో అంశాలు ఉన్నాయని ఆయన ఆరోపించారు. ఈ వ్యవహారం వెనుక ఆర్ఎస్ఎస్, బీజేపీ కుట్ర ఉందని విమర్శించారు.
ఈ మేరకు గాలి వినోద్కుమార్ ఉస్మానియా యూనివర్సిటీ పోలీస్స్టేషన్లో హమారా ప్రసాద్పై ఫిర్యాదు చేశారు. పుస్తకంలోని అంశాలను సమగ్రంగా పరిశీలించి, అభ్యంతరకరమైన విషయాలపై విచారణ చేపట్టాలని పోలీసులను కోరారు. జాతీయ నాయకుడు అంబేద్కర్ ప్రతిష్ఠను దెబ్బతీసేలా, సమాజంలో విభేదాలు సృష్టించేలా వ్యాఖ్యలు లేదా రచనలు ఉంటే చట్ట ప్రకారం చర్యలు తీసుకోవాలని డిమాండ్ చేశారు.
అంబేద్కర్ రాజ్యాంగ నిర్మాణంలో కీలక పాత్ర పోషించడంతో పాటు సామాజిక అసమానతలు, కుల వివక్షకు వ్యతిరేకంగా జీవితాంతం పోరాడారని గాలి వినోద్కుమార్ పేర్కొన్నారు. అలాంటి మహనీయుడి చరిత్రను వక్రీకరించడం, ప్రజల్లో అపోహలు కలిగించే ప్రయత్నాలు చేయడం సరికాదన్నారు. ‘కల్పిత నాయకుడు’ పుస్తకంలోని అంశాలపై సమగ్ర విచారణ జరిపి, అభ్యంతరకర విషయాలు ఉన్నట్లు తేలితే బాధ్యులపై చట్టపరమైన చర్యలు తీసుకోవాలని ఆయన డిమాండ్ చేశారు. ఈ కార్యక్రమంలో విద్యార్థి సంఘాల నేతలు దర్శన్, ఉదయ్, నవీన్ లతో పాటు డిజెపి నేతలు పాల్గొన్నారు
