22వ సినీ సంగీత విభావరికి ఏర్పాట్లు పూర్తి
హైదరాబాద్, ట్రైనెట్ న్యూస్, సెప్టెంబర్ 8:
శ్రీకృష్ణ జన్మాష్టమిని పురస్కరించుకుని శ్రవణ రాగసుధ శ్రవణానందం (SRSS) ఆధ్వర్యంలో 22వ సినీ సంగీత విభావరి ‘గోకుల కృష్ణ గోపాలకృష్ణ’ కార్యక్రమాన్ని మంగళవారం ఘనంగా నిర్వహించనున్నారు.
హైదరాబాద్ చిక్కడపల్లిలోని త్యాగరాయ గానసభ రెండవ అంతస్తు హాలులో సాయంత్రం 4 గంటల నుంచి రాత్రి 9 గంటల వరకు ఈ సంగీత కార్యక్రమం జరగనుంది. శ్రీకృష్ణుని భక్తి, మహిమలను ప్రతిబింబించే సినీ గీతాలతో పలువురు గాయనీ గాయకులు ప్రేక్షకులను అలరించనున్నారు.
SRSS సంస్థ అధ్యక్షులు, కార్యనిర్వాహకులు కె. సంతోష్ కుమార్, నాగ శిరీష ఆధ్వర్యంలో కార్యక్రమాన్ని నిర్వహించనున్నట్లు నిర్వాహకులు తెలిపారు. సంస్థ ముఖ్య సలహాదారు, జూనియర్ బాలు నాగ శివరామ్ కార్యక్రమానికి ప్రత్యేక ఆకర్షణగా నిలవనున్నారు. సంగీతాభిమానులు, శ్రీకృష్ణ భక్తులు అధిక సంఖ్యలో పాల్గొని కార్యక్రమాన్ని విజయవంతం చేయాలని నిర్వాహకులు కోరారు.
