Do Not Wish Evil Upon Others: An Inspiring Philosophical Reflection

చెడపకురా! చెడేవు

రాయి వేసినంత మాత్రాన కొలను ఎప్పటికీ కలుషితం కాదు

అలజడి కొంతసేపే ఉంటుంది

తర్వాత నీరు తేరుకుంటుంది

తన నిర్మలత్వాన్ని తిరిగి పొందుతుంది

అలాగే ఎవరో చెడు చేశారని

మనసులో చెడును పెంచుకోకు

వాళ్లు వేసిన రాయికి

నీ మనశ్శాంతిని బలిచేయకు

నిన్ను బాధించిన వారి కోసం

నీ మంచితనాన్ని మార్చుకోకు

వాళ్ల తప్పులకు ప్రతీకారం

నీ జీవితానికి మార్గం కాకూడదు

కాలమే ప్రతి ఒక్కరికీ

వాళ్ల కర్మకు తగిన ఫలితాన్ని ఇస్తుంది

నువ్వు మాత్రం నిశ్శబ్దంగా

నీ దారిలో ముందుకు సాగు

రాయి కొలనులో పడుతుంది

అలలు కొంతసేపు ఎగసిపడతాయి

కానీ చివరికి నీరు ప్రశాంతమవుతుంది

రాయి మాత్రం అడుగునే మిగులుతుంది

అలాగే చెడు చేసిన మనిషి

తన చెడు ఫలితాన్నే అనుభవిస్తాడు

నువ్వు మాత్రం మంచితనంతో నిలబడితే

నీ మనసే నీకు అద్దమవుతుంది

ప్రతీకారం తీర్చుకోవడం గొప్పతనం కాదు

క్షమించి పక్కకు తప్పుకోవడమే గొప్పతనం

నీ ప్రశాంతతను కాపాడుకో

నీ మంచితనాన్ని ఎప్పుడూ వదులుకోకు.

రచన : కె.మురళీమోహన్ రాజు, నెల్లూరు.

చరవాణి : 9866179385