హైదరాబాద్‌, ట్రైనెట్‌ న్యూస్‌: ‘మిస్‌ ఎర్త్‌ ఫైర్‌ ఇండియా 2026’గా ఎంపికై కిరీటాన్ని అందుకున్న కుమారి లాస్యాంజలి సంబరాజాను అభినందిస్తూ అక్టోబర్‌ 5న ఆత్మీయ సత్కార కార్యక్రమం నిర్వహించారు. అభినందన సాంస్కృతిక సంస్థ ఆధ్వర్యంలో జరిగిన ఈ కార్యక్రమంలో లాస్యాంజలిని ఘనంగా సత్కరించి, ఆమె విజయాన్ని అభినందించారు. చిక్కడపల్లిలోని శ్రీ త్యాగరాయ గానసభ కళా సుబ్బారావు కళావేదికలో సాయంత్రం 5.30 గంటలకు కార్యక్రమం ప్రారంభమైంది. ప్రముఖ సాహితీవేత్త డా. ఓలేటి పార్వతీశం ముఖ్య అతిథిగా, నటుడు, దర్శకుడు, నిర్మాత ప్రదీప్ పాల్గొన్నారు. గౌరవ అతిథిగా డా. వై. రమాప్రభ హాజరయ్యారు. యువత తమ ప్రతిభను గుర్తించి కృషి చేస్తే వివిధ రంగాల్లో ఉన్నత విజయాలు సాధించవచ్చని ఈ సందర్భంగా వక్తలు పేర్కొన్నారు. లాస్యాంజలి సాధించిన విజయాన్ని అభినందిస్తూ, ఆమె మరిన్ని విజయాలు అందుకోవాలని ఆకాంక్షించారు.
