‘స్వరనీరాజనం’ ఎస్. జానకి, ఎస్. పి. బాలసుబ్రహ్మణ్యం స్మృతిలో అపూర్వ సంగీత విభావరి
హైదరాబాద్,రవీంద్ర భారతి, ట్రైనెట్ న్యూస్ , సెప్టెంబరు 27:
‘నైటింగేల్ ఆఫ్ సౌత్ ఇండియా’ ఎస్. జానకి, ‘గాన గంధర్వుడు’ ఎస్. పి. బాలసుబ్రహ్మణ్యం స్మృతికి స్వరనీరాజనం అర్పిస్తూ.. ప్రముఖ సంస్థ రిషి మ్యూజికల్ ఈవెంట్స్ ఆధ్వర్యంలో శనివారం స్థానిక ఏఏఏ స్టూడియోలో 12 గంటలపాటు అద్భుతమైన సంగీత విభావరి నిర్వహించారు. సుమారు 35 మంది ప్రముఖ గాయనీ, గాయకులు పాల్గొని, బాలు–జానకి ఆలపించిన 100కు పైగా అపురూపమైన సినీ గీతాలను ఆలపించి సంగీతాభిమానులను అలరించారు. కార్యక్రమానికి ముఖ్య అతిథులుగా తెలంగాణ తొలి శాసనసభ స్పీకర్, ఎమ్మెల్సీ మధుసూదనా చారి, ప్రముఖ హాస్య నటులు బాబుమోహన్, తెలంగాణ భాషా సాంస్కృతిక శాఖ సంచాలకులు డాక్టర్ ఏనుగు నరసింహారెడ్డి, హార్టికల్చర్ అసిస్టెంట్ డైరెక్టర్, హెచ్ఎండిఏ అధికారి దొనేపూడి చక్రపాణి, ప్రముఖ గాయకుడు త్రినాథరావు, మేడిది వెంకటేశ్వరరావు, దేవులపల్లి ప్రభాకరరావు తదితరులు పాల్గొన్నారు. ఈ సందర్భంగా వారు మాట్లాడుతూ.. బాలు–జానకి ఆలపించిన ఎన్నో వేల గీతాలు శ్రోతల హృదయాల్లో చిరస్థాయిగా నిలిచిపోతాయని, వారు భౌతికంగా మన మధ్య లేకపోయినా వారి మధుర గాన సంపద అజరామరంగా నిలిచిపోతుందని కొనియాడారు.
కార్యక్రమంలో ప్రముఖ సినీ నేపథ్య గాయకులు, హీరో సాందీప్ కు జానకి ఆత్మీయ బంధువు మిత్రా ఈవెంట్స్ నిర్వాహకులు శ్రీ హరే రాము అతిథుల చేతుల మీదుగా సంగీతాభిమానుల సమక్షంలో ఘనంగా సన్మానించారు.
కార్యక్రమంలో వెంకట్ , ఉదయ్ భాస్కర్, వై. సుబ్రహ్మణ్యం, చంద్రశేఖర్ గోర్తి, గోవిందాచార్య పాల్గొని కార్యక్రమాన్ని విజయవంతం చేశారు. చక్కటి కార్యక్రమాన్ని నిర్వహించినందుకు అతిథులు రిషి మ్యూజికల్ ఈవెంట్స్ అధినేత్రి అక్కిరాజు యోగితా ప్రభంజన్ ను
అభినందించారు.
