హైదారాబాద్, ట్రైనెట్ న్యూస్ సెప్టెంబరు 29: హైద్రాబాద్ లోని శ్రీ శ్రీ చిత్రశాల, ప్రగతి నగర్ సుందరయ్య భవన్ లో ప్రముఖ సినీ దర్శకుడు శ్రీ శిరం సంజీవ్ నాయుడు నిర్మించిన "దారి ఎటు?" లఘుచిత్ర ప్రదర్శన వైభవంగా జరిగింది. ప్రముఖ సినీ గీత రచయిత, నటుడు, ఆంధ్రప్రదేశ్ రాష్ట్ర ప్రభుత్వ స్వర్ణ నంది, ఉగాది పురస్కారాల గ్రహీత శ్రీ సాదనాల వేంకట స్వామి నాయుడు ఈ లఘు చిత్రం లో ప్రముఖ పాత్ర పోషించారు. ఈ సందర్భంగా చిత్ర దర్శకుడు శ్రీ శిరం సంజీవ్ నాయుడు నీ ,శ్రీ శ్రీ చిత్రశాలకు స్క్రీన్ ను బహూకరించిన ప్రముఖ కవయిత్రి, గాయని శ్రీమతి వనజ బలుసాని గారినీ, చిత్ర నిర్మాతలు, యశోదరా టీవీ ఛైర్మన్ శ్రీ హరనాథ్, యశోద లనూ , చిత్రం లో నటించిన నటీమణులను , టెక్నీషియన్ లను సుందరయ్య భవన్ కన్వీనర్ శ్రీ సి హెచ్ మల్లయాచారి ఘనంగా సత్కరించారు. ఈ సందర్భంగా శ్రీ సాదనాల నటనను పలువురు వక్తలు ప్రశంసించారు. ఈ కార్యక్రమంలో జనసేన నాయకులు డాక్టర్ ప్రేమ్ కుమార్ , శ్రీ కపిల్ సుబ్బారావు, శ్రీ జతీందర్ సింగ్ తదితరులు పాల్గొన్నారు.
